Ity hirako ity (ALOMA)

(Nalaina tao amin'ny tononkira.serasera.org)
Ity hirako ity dia atolotro anao
Hahatsiarovanao ny anarako
Raha ho lasa any ianao
Ka ho lavitra ahy
Veloma mandrapihaona
Aza hadino lalandava
Fa mpinamana isika
Tsy mba nifankafoy tety
Mpizara alahelo, mpizara hafaliana
Izaho sy ianao hatramin’izao.

Very namana aho nilaozanao
Ka iza indray izao no antenaiko
Hilazako ny manahirana ahy
Hisolo ny toeranao

Tsy ny elanelan-tany na ny fahalavirana
No hampisy ny fanadinoana
Fa raha sento tokana monja
Ary tsiahy iray minitra
Dia ampy hampiray antsika
Koa raha manina ahy ianao
Na te hanoratra
Ny aty tsy miova adiresy
Tsy miova fanahy, tsy miova fitia
Fa miandry, miandry anao
--------
Rohy:
Hametraka hevitra
Midira aloha
Momba ny hira
Mpihira : ALOMA
Vangy : 22579
Mpankafy : 1 Ankafizo
Nampiditra : Rondro
Daty : 21/03/2002 12:05
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0309