Fanekena (SLKM)

Atsangako ny tanako,
Ho fanekeko eto anatrehanao e!
Tompo ô! Inty re aho e!
Manolotena hanaradia Anao.

Atsangako ny tanako,
Ho fanekeko eto anatrehanao e!
Tompo ô! Inty re aho e!
Manolo-tena ilay maditranao.

Nanao izay ratsy indrindra teo imasonao e!
Nanarampo tokoa kanefa aiza izao?
Raha tsy teo Ianao Jesosy angamba indrisy,
Ny fiainako efa potika tsy nisy.

Nampisehoanao zava-mahagaga,
Nafahanao tamin' ny loza izay nitranga,
Nampandalovinao memy sy lelafo,
Hay ireny sady kapoka no antso.

Atsangako ny tànako
Ho fanekeko eto anatrehanao e!
Tompo ô! Inty re aho e!
Manolo-tena ilay maditranao.

Anio Jesosy a!
Anio no anorenako ny voadiko eto anatrehanao
Notaominao aho ka voataonanao,
Nosamborinao aho, ka resinao!

Koa indro Jesosy a!
Atsangako ny tanako,
Ho fanekeko eto anatrehanao.
Asandratro ny feoko Jesosy a

Asandratro ny feoko,
Hanambarako ny voadiko Aminao e!
Tompo ô! Inty re aho e!
An-dranomaso miantoraka Aminao.

Asandratro ny feoko,
Hanambarako ny voadiko Aminao e!
Tompo ô! Inty re aho e!
An-dranomaso miantoraka Aminao.

Efa ratsy aho nefa mbola tinao ihany,
Resy lahatra aho ka indro aho mitomany,
Mahatsiaro farany ny hadalana sy ireo ditra,
Zava-poana, fatiantoka no hita.

Koa tsy handeha toy izay lasa izay intsony,
Hanao ny antso sy ny asanao ho ambony!
Ankehitriny aho maniry sy mikasa,
Tompo ô! Honerako ny lasa.

Asandratro ny feoko,
Hanambarako ny voadiko Aminao e!
Tompo ô! Inty re aho e!
Andranomaso miantoraka Aminao.
Tompo ô! Inty re aho e!
Andranomaso miantoraka Aminao!
(SLKM MORIA ITAOSY)
--------