Tsy izaho sy ianao (Pazzapa 4)

Any izay olona
Tompon’ny foko
Tia ahy, tiako koa
Ho mandrakizay
         Sao dia mba izaho akia
         Izany olona izany
         Toa hafinaritra
         Ny manao ny hasambaranao

Tsy ianao (tsy izaho ve?), tsy izaho (tsy ianao ve?)
No handeha, ialahy lesy
Sanatria
Tsy hivadika ny eritreritro
          Dia ho nofy ve akia
          Ilay fitiavanao
          Noheveriko ho ahy
          Tsy arak’izay novinaniako

    Ref: Tsy izaho sy ianao
            No hiaraka hifankatia toy izao
            Tsy izaho sy ianao
            Mpinamana hatr'eo no hitambarantsika hatrizay

Sarotra amiko ny handà
Izany fitiavanao raha ho ahy
Ireo toetrako ny tsy zakanao
Hovaiko izao dia izao
Izao dia izao
          Tsy ilaina izany letsy
          Tena mety amiko ialahy
          Fa niezaka ny ho tia azy aho
          Satria ianao, namako
          Tsy foiko hiova izany

    Ref: Tsy izaho sy ianao
            No hiaraka hifankatia toy izao
            Tsy izaho sy ianao
            Mpinamana hatreo no nitambarantsika roa hatrizay

Ny an’ahy dia tena feno
Tsy afaka ny miova intsony
Tsy misy zavatra nafenina
Raha tsy ity fitiavana
Oh! oh! oh!

ref...Tsy izaho sy ianao
            No hiaraka hifankatia toy izao
            Tsy izaho sy ianao
            Mpinamana hatreo no nitambarantsika hatrizay


Aut/Comp: Rolf

Chanteurs: Rolf et Faniah
Interprètes: Pazzapa 4
--------