Aza dia omena tsiny (Njakatiana)

Aza dia omena tsiny aho
Raha toa tsy lafatra
Hatramin’izay, hatramin’izao aho
Miezaka foana, foana
Fa mbola osa aho
Efa reraka aho
Nanao ny azo atao
Fa mahantra ve aho ka halanao

Aza dia omena tsiny aho
Raha tsy manaitra anao
Hatramin’izay, hatramin’izao aho
Te hihaingo foana foana
Fa ratsy akanjo aho
Rikoriko ianao
Na inona atao
Fa maloto aho ve ka halanao

Ô ry iseako, ô ry lalako ô!
Izay ny aty!
Ô ry kintana, ô ry volana ô!
Midina ety!
Ary hoy aho hoe mba ampio aho akia
Amin’izay izaho sy ianao samy tia!

Aza dia omena tsiny aho
Raha tsy haiko ny fiteninao
Hatramin’izay, hatramin’izao aho
Te hahazo foana foana
Fa tsy nozarinao
Mbola gasy anie aho
Efa fantatrao
Tsy vazaha ve aho ka ambanianao


Ô ry iseako, ô ry lalako ô!...
--------