HANITRA NENTIN-DRAZANA (HANITRA NENTIN-DRAZANA)

Hilalao e ! hilalao a ! (2)
Hilalao e ! no alehanay , hilalao a!
Ka tianao ve ny mba ho namanay, hilalao a!

Raha ny Hanitra Nentin-Drazana
No lazaina aminao mitazana
Dia tsy mba mpanavakavaka
Folo taona no niasany
Namafazana tamin’ny tany
Tsy kivy fa mbola miasa hatrany

Toriteny sa fetim-bavaka
Toro hevitra sy anatranatra
Vonona lalandava izy
Fanentanana sa lanonana
Fetim-bokatra any am-piangonana
Sanatria aminay ny hitsoaka adidy.

Ny kabary sy ny hiragasy
Dia hainay e!
Vako-drazana Malagasy
Dia hainay e!
Tsy mba fomba nalaina tahaka
F’efa lova navelan-drazana
;.;Ka zaraina aminao mitazana
Izany no Hanitra Nentin-drazana;.;

Hirahira sa kilalao
Hainay e!
Ka ambarako aminao
Fa hainay e!
Izahay tsy mba menamenatra
Na any an-kafa na eto an-toerana
;.;Izany no Hanitra Nentin-Drazana
Ka lazaina aminao mitazana;.;

HANITRA NENTIN-DRAZANA
FAHA FOLO TAONA
2004
--------