ROM-PATSA (DeeL)

Raha tonga ny andro izay hahavelomana
Dia mbola rom-patsa no ifanolorana
Tsy miova, tsy lefy ilay fomban-drazana
Sakafo mahavelona iaraha-mahafantatra

Ny toko sy fatana angamba ny tapaka
Ilay vilany nongo no vaky nipasaka
Mandroso ny andro, tsy tsiny raha hiakatra
Ny lela sy kibo efa manina fatratra

Ny patsa anefa toa mampihambatra ahy
Hanindrona, handratra, tsy ho azo mitambatra
Mba firy amintsika no efa nisambotra
Fa patsa efa maina no hiadiana varotra
Dia iny ny hariva fa tena mirindra
Tsy misy tezitra hivindavinda

Raha toa tafita ka tafasondrotra
Karama mandifotra, mandina somotra
Fadio ny manary ny harena efa an-tanana
Ny sakafo dia mila tokoa fiandrianana

Ny taranaka eto dia mba tsy ho saozanina
Ny asa rehetra dia ho matihanina
Ny fanontoloana tsy vato hisakana
Efa nivonona isika, koa andeha hitsangana

Ny sakafo tsy mihoatra ny fito loha
Fa nampifandiasana vary sosoa
Raha kibo no hamparina dia hikorontana
Amalona maitso no hatao haninkotrana !
Tsy mety, tsy tsara no sady tsy ho vitako
Ka dia ny rompatsa no eo an-doviako

Ny patsa anefa toa mampiambatra ahy
Hanindrona, handratra, tsy ho azo mitambatra
Mba firy amintsika no efa nisambotra
Fa patsa efa maina no hiadiana varotra
Ka iny ny hariva tsy lainga fa hitako
Mangata-maso ilay olon-tiako
--------