Ianao (Rakotobe Andrianabelina)

(Nalaina tao amin'ny tononkira.serasera.org)
IANAO

Ianao no hadalako, ianao no fahendreko
Ianao no fahalalako, ianao no fandreseko
Nefa lasana ianao, nitsaitsaika tsy ho reko
Angamba ianao nanantena
Fa mateza jerena
Na toy ny tasy tsy ho voafafa
Tsy ho levon’olon-kafa

Ianao no fahalemeko, ianao no tanjako
Ianao no manetry sy manome ny lanjako
Nony lasana ianao niboridana ny kianjako
Angamba ianao nanantena
Fa ny ahy fitia tsy afaka hihena
Fitia latsa-paka
Hahafahanao hanjakazaka

Ianao no hasiko, ianao mosaviko
Ianao no laviko, ianao no ankatoaviko
Nony lasana ianao nanjombona ny ho aviko
Angamba ianao nanantena
Izaho ho tojo faharesena
Satria fo azo babo
Ka ianao ihany no afaka hitsabo

Ianao no harenako, ianao no fihafiko
Ianao no hany masoko, ianao no fitsikiko
Na tsara ianao na ratsy dia efa nikipiko
Angamba ianao tsy hino
F’izaho efa nanadino
Toy ny very tadidy
Ny ratrako aza efa nihidy

Ianao fantatro tsara ianao no mbola tsy haiko
Ianao nahay nanaja ianao nahay nibaiko
Nony lasana ianao saiky nanaraka ny aiko
Ny antsika fitia tsy hivitrana
Izaho koa efa sitrana
Vato vaky tsy hitohy
Izaho koa efa namoy

RAKOTOBE ANDRIANABELIN
--------
Rohy:
Hametraka hevitra
Midira aloha
Momba ny hira
Mpihira : Rakotobe Andrianabelina
Vangy : 2970
Mpankafy : 0 Ankafizo
Nampiditra : Grity
Daty : 30/10/2001 16:10
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0768