HANINA ILAY VOHI-DRAZANA (Jean ROSSINAH)

Azafady mba mivilia,
O! ry voron-tsara dia,
Raha mba sitrakareo
Ny hanala izany toreo,
O! ry voron-tsara dia
Iangaviako re mba avia
F’ any ankoatr’irony havoana,
Takona any nefa tsaroana
’Lay tanàna iray ’zay niaviana
Onenan’ireo havan-tiana .

Veloma ihany hono hoe antsoiny
Ka masina koa fa mbola hihaona soa,
Veloma hono hoe tsy ho mandrakizay
Antsoin’ ilay vitsika momba kitay.

O! ry voron-tsara dia afaka miriaria,
Tsy hoe sangisangv, fa izaho te hamangy
Ilay ankaniko any ho any,
Saingy ny elanelan-tany
No dia efa lavin-doatra,
Ianareo no afa-mihoatra
Dia hitety irony tendrombohitra
Satria re manan’elatra.
--------