Tano aho Jeso (Ilay Sitrako)

Impiry impiry moa Jesosy ô!
No naniriako hahafaly Anao e,
Nefa izao Ianao dia vaky fo,
Ranomaso, sento lalina.

Impiry impiry koa Jesosy ô!
No naniriako hanao ny tsara e,
Fa solafaka eny foana,
Manko motraka, malemy.

     Tano aho Jeso fa tsy mahatana Anao,
     Tano aho Jeso fa tiako Ianao,
     Tano aho Jeso ka fihino ho Anao,
     Fa malama anie ny lalako.

Omeo ahy anio Jesosy ô !
Ny fahamasinanao rehetra e,
Ka ho resy ny ota anatiko;
Ny fahadiovanao no mamiko.

Omeo ho ahy anio Jesosy ô!
Ny herinao tsy misy fetra e
Hiazonako ny tananao,
Hamikirako ny sandrinao.

     Indrisy olo-mahantra aho,
     Tsy  misy hanafaka ahy raha tsy Ianao;
     Endrey Jeso ny fitiavanao
     Fa tsy hisy haharombaka ny am-pelatananao.
--------