Ilay antitra (Hary)

Ilay antitra fotsy volo
nihodin-barahina mena
loko miketrona daholo
tsy nisy na misy hojerena.

Mipetraka ambonin’ny vato
andrefan’ny trano zozoro,
anilany eo niarahako
mihantona izy ka mijoro.

Ny akanjo fitafy taloha
malabary lomorin’ny rano
mikimpy izy sy miharindoha
manatrika ny andro efa mamo.

Mijery ny tena variana,
misaina ny fiainany rehetra ...
Hasambarana sa fahoriana
’ty zato taona mbola mitoetra

Mitsiky izy milaza fa marina,
ady zao fiainana izao
feo malemy sy feo farimparina
ilazany hoe mbola ho hitanareo ...

Kajio hoy izy nefa dia mamy
matoa hiaretana tahaka izao
saingy ianareo amin’izany
mirongo fitaovana vao!

Tsy vizana hitondra fivoy
tsy hatory amiko efa lo
ny fijalianareo dia ho fohy
mipokatra ka ho afapo.

Ny andronareo ho voafetra
hanatitra ny trano igadonany
ary irony feom-baliha no hitoetra
amin’ny oran’ny fahamamoany.
--------