NENY TIAKO (Bodo)

Mpihira : Bodo
Mpamaky : 3999
Nampidirin'i :
Tamin'ny : 23/05/2007 00:00:10
ID : 4429

Avia,Neny tiako
eto amin’ny foko.
Eto an-tsandriko ankavia
mba ho akaikin’ny foko.
Etsy ,etsy ho esoriko
ireo volofotsy;
Hitantaràko angano ianao
sady arahiko rotsirotsy.



Ny adidy tsy efànao
mbola tianao hotohizana
Tsy mahatsiaro hasasàrana
tsy mahalàla vizana
Mihisakisaka ,mila hotorovana
Ampy izay,
Ianao ilay niaro indray
no mba mila fiarovana



Avia Neny tiako
f’aza miahiahy
Ny ataoko anie
sombin’ny vitanao hatrizay
etsy hotatanako fa efa lànaka
Ny aina no..ny aina no matezà
f’hifampitaiza isika mianaka.


Tonony :DADAH
Feony   :DADAH
Mpihira :BODO

PS:hira hivoaka ato ho ato ho fankalazàna ny fetin’ny Reny .Mandika tanteraka ny zavatra mba tiako lazaina amin’ny Reniko ;nefa moa "N’est pas Dadah qui veut ".
Chapeau l’ARTISTE ,ary MISAOTRA amin’ireo  tononkira/tononkalo nosaratanao fa tena mipàka am-po tokoa,tsy haritro ny hangina tsy hisaotra.