aiza ianao (Yann)

Teo ianao, nanaraka ahy mandrakariva
Niaritra ny mafy rehetra niainantsika.
Toky nomenao ahy, fa ny fitiavanao tsy ho ritra
Fa hitombo hatrany hahasambatra antsika.

Nefa lasa ianao, tsy nilaza tamiko akory
Izao anton’izao nandaozanao ahy izao.
Ireny tantarantsika, tsy mba nisy sorisory
Naleonao nanadino ireo voady natao.


Ref: Mba lazao ahy izay tena misy anao
Hankanesako ho any aminao.
Hilazako izay rehetra ato am-poko ho anao
Fa tsy haiko ny hiaina tsy eo akaikinao.
Mba lazao ahy izay tena misy anao
Fa mijaly aho, zatra anilanao.
Mba ekeo re fa tena tia anao
Mba raiso re, ty foko mitalaho.


Izaho irery izao, miafy mangatsiaka
Feno fahoriana tsy mba misy hianteherana.
Very olon-tiana, very fanantenana
Tototra alahelo ranomaso tsy ferana.

Ref.

Ian A.Rabenasolo
--------
Rohy: https://tononkira.serasera.org/hira/yann/aiza-ianao-1
Hametraka hevitra
Midira aloha
Momba ny hira
Mpihira : Yann
Vangy : 2744
Mpankafy : 0 Ankafizo
Nampiditra :
Daty : 18/01/2005 13:53
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2022 - page load 0.0681