You are here: home > Tononkira > TIHAREA

Mafe (TIHAREA)

https://tononkira.serasera.org/hira/tiharea/mafe

Ty liako andafy atoy é, tsy hirererere, Ndra nienga rae naho rene
Fa fipaiagne hoe mampinegne
Mafe koahe ty mpay havelo, Mienga longo an-kalahelo
Miala tanindraza , fianakavia, Ke mba ho tendreke ty doria

Niranga tanan-dako , nitete vohitse
Niampita riake toly an-tany lavitse
Niagnantimo raho , niagnavaratse
Nianignana , niagnandrefa niavy lavitse
Nisarasara tsy nisy ondaty fantatse
Inogn’eo ? fimpaiagne ravin’ahitse

Fimpaia mampirererere
Ndra ty mahilala hoe minengne
Ty votro tsy miranga tane
Izaho tsy mahere dra nisese tane
FTsiky dia ampya sarotse ty mpay hane
Fie boribory ty tane
Agne ty mbe hifankahitagne
Ndra tie lavitse ty agne

Nitahy ty roazako , ty Zagnahare
I roaiko nisabo , nisalale
I roeneko nitata , nanipe rano
Ho tendreke fanambalia , tendreke tragno

Mbe hiheren-draho Gasikara
Mbe mimpay vara ntoa misarasara
Mbe hipoly raho ry Androy é
Fa ndra nandeha toa tsy nahafoy é

Agne rehe baba , Agne rehe nene
Agne rehe zoke , zaiko é
Agne nahareo longoko é
Agne rehe i Ambasare , Agne rehe Ifotake
Agne rehe i Mandrare
Agne koa i Fangaliendrake

Texte-Mélodie-Arrangement : Gellé Talike

Hametraka hevitra

Midira aloha

Mpihira : TIHAREA
Mpamaky : 1200
Mpakafy : 0 Ankafizo
Nampidirin'i : hery
Tamin'ny : 05/08/2013 07:04:05
ID : 6354

Tondrom-peo

Hampiditra tondrompeo