DITSOKY NY RANOMASO (Jeedai)

Blem, tsisy afaka hanova ny fiainako ho tsisy blem,
Nefa, rehefa ny fiainako radem no sintonina
Na diary 2000 aza tsy antonona
Kanefa ny taona efa 2002
Diary iray monja no ety am-pelatanako
Ka rehefa nosokafan\\’ity tanako,
Dia tsy tanako ny ranomaso
Namaky ilay diary keliko iny.
Fa ny fiainako fahiny mitoetra ho pivahiny
Fa ny takosin\\’ny diary mirakotra ny fisiko,
Ny fahoriana rehetra tsy niriako,
Ny fahadisoako rehetra tsy niniako,
fa ny fisiako mirakotra ny fijaliako
Ary tsy ho tsinjonao satria voatakon\\’ity fitsikitsikiako.
Fa rehefa anaty fiainana voafetra,
Dia mandalo fotsiny ny rehetra
anaty fahoriana tsy misy fetra,
Fifaliana tsy mitoetra
Ka voatery hiady irery amin\\’ny rehetra
Andeha irery eo afovoan\\’ireo sedra
Hamaona ireo zavatra efa lasa
Hiantrehana ny ho avy.
Aiza ilay fahazavana fa ny tomany tsy mety hisava,
Aiza ilay masoandro, masoandro panazava.


Ref: Ditsoka aho, ditsoky ny ranomaso
Ditsoka aho, difotry ny fahoriana
Ditsoka aho, ditsoky ny ranomaso
Ditsoka aho, difotry ny fahoriana
Ditsoky ny ranomaso, difotry ny fahoriana

001 tsy miova loko, fa ny foko hitempo impiry, impiry?
Vao tsapako fa mangirifiry ny fiainako teto an-tany.
Fa efa firy, firy ireo akama tsy tanan’ny tanana
tsy tan-dalana rehefa ny akama no mitoetra
Ao am-pon’ny tsirairay, 4 nefa iray,
Hitoetra mandrakizay doria
Ilay iray no hitoetra mandrakizay
Andrandraina ny fianinana rehetra ny ranomaso no mahaditsoka
Indraindray ny fiainako voarakotry ny peina sy ny liritsoka
Hay soratra nihitsoka taonamaro tao anatin’ny tasitara
Nihitsoka aman-taona ohatran’ny fiainan’ny gasikara,
Nanakatra ny vohitrin’ny Disapara.
Ny paradisa voatantara,
Tantara narafitra akanto to hirindra tsara.
tsara raha toa ka ny fiainako no hikorisarisa,
Kanefa indrisy fa feno disadisa.
tsy havela hikozy ireo maro an’isa
Ka aiza ilay akama hanolotra ny tanany?
Fa aiza no misy ireo tena namana?
namana eny @ lalana.

Ref


Rehefa niafina tao anatiny taona maro
Ireo ranomasom-pijaliana;
rehefa tsy nasiana fepetra ireo andro itomaniana
Dia nasehoko anareo ampahibe maso, ho variana
Ianareo raha oh tantaraiko ny fiainako
Nanatri-maso ny zava-nisy
dia ho ditsoky ny ranomaso koa ianareo, maro tsy voahisa
Ianareo no hiombon-kevitra amiko.
fa rehefa ny fiainako no voahevitra: dia ho ditsoky ny ranomaso
Rehefa fahoriana tsy misy fetra:dia ho ditsoky y ranomaso
rehefa manao jery mitodika ny tantara: dia ho ditsoky ny ranomaso
rehefa mitady ilay fiadanana: dia ho ditsoky ny ranomaso
Ka fiadanana ho an’ireo izay mitady ny paradisa
fiadanana ho any ilay ranomaso farany sisa
fiadanana ho any ilay vohitry ny fahasambarana
fiadanana ho an’ny rehetra,
Fa any angamba vao hifarana ilay ranomaso.
fiadanana ho any rehetra
fa any angamba vao hitoetra ilay mason’ny andro
Any angamba vao hiposaka ilay masoandro, masoandro.

Ref:

Nihtsoka anaty alahelo ny kofa ka nangina
Namalona ny lasa, hiatrehana ny ho avy
Aiza ilay fahazavana fa ny tomany tsy mety hisava.
Fa ny tomany tsy mety hisava,
Aiza ilay masoandro, ilay masoandrom-pahazavana,
Masoandrom-pahazavana
001 no hazavana, 001 Klan no hazavana...



Sample: \"Une enfant\" AZANAVOUR
Prise de son: studio ARC
Mixage: Artesim
--------