Ny atao ihany (Gasy groove)

Tonio hoy aho izato foko
Raha vesaran’ny toloko
Mionona izay mandalo
Tsy namana tsy fahavalo

Milaza fa tsy mety mihitsy
Ny mpitia an-tsika vitsy
Ny Ray sy Reny dia mandrara
Ireo namana tsy te-halala

Sanatria anefa izany
Raha mbola eto an-tany
Ilay fitia efa nekeko
Voninkazo novoleko

Iangaviako raha mety
Aoka tsy hiandry ilay anjara
Dia ho tonga ny andro fety
Hiara-dia soa aman-tsara

Ireo olona miteny
Avelao aho hivazavaza
Tsy haoko izy ireny
Ny fitiavana no hilaza

Mba iriko mandrakizay
Tena mamy tsy mba ho loa
Ho fitiavana iray
No hiainan-tsika roa

Sanatria anefa izany... No Hiainantsika roa: in-droa

’Zaho tsy taitra fa hiandry tantana
Tonga ny anjara dia mbola hanana
’Zay maharitra vadin’Andriana
’Zay mangina dia volamena
’Zay maika dia vadin’i Koto
’Zay miteny dia olona mpandoto

Fitiavana matotra no hiarahan-tsika roa e
Atao tena izy fa tsy atao kitoatoa e
Tazony maharitra sady ataovy mateza e
Atolotro ho anao re ny tena fitiavana ngeza e
--------