Nenivao (Fefiloha)

(Nalaina tao amin'ny tononkira.serasera.org)
NENYVAO (FEFILOHA)

BABA
Vao mipaika ny ora, maneno akoho
Olona mbola misalobo damba, I Nenyvao, mamokovoko
Samirery ao anaty aizim-pito mangina,
Haolohaolo mbola tsy misy mpandalo
Ny an-kodiny zara raha mitafy
Ny hatsiaka miaro fanala mitambesatra mafy,
Ny hery tsaika mijapy ao an-damosina ny aroa
Ny voninkazo loloaviana an-tapina loha
Fa ny toratoraky ny mpamosavy koa mety hahavoa
Toraky zany koa, ny roba ny dahalo
Nefa zany tsy naparivo saina an-dramatoa
Hiroso, hizaka ireo halavirana kilometatra telopolo
Manantena ihany, ho tody ihany, Iarivo hatrany

CHORUS
Fiainana, hafa nohon’ny hafa
Misy mizaka anaty na tontolo samihafa
Fiainana, hafa nohon’ny hafa
Faniriany, anaty na tontolo samihafa

MIKA
Indray fa miposaka ny masoandro
Ny sakafo tsy nohanina, mbola tadiaviana ny atoandro
Voninkazo no loloaviny, zazakely no vesarany
Ioh! fifaliany mahita ireto mpandalo maromaro,
Mividy raha sendra ka mahatsiaro
Manontanitany sy miady varotra
Manontany izay mahasoa, amin’ity fiainana sarotra
Nefa ny tsena zara fa mandeha
Ny ankizy mitaraina mitomany fa noana be,
Mbola ho ela vao mody masoandro
Ny lera vao manondro amin’ny roa ambianifolo atoandro

CHORUSx2
RAJOBY
Mivenjivenjy, mikarenjy, mikaremy
Zaza ao an-damosina miantso mafy hoe: noana nono aho Neny
Mivenjivenjy, mikarenjy, mikaremy
Fitadiavana baiko tokana foana no ao an-tsaina Neny

Manga be mikapoka ao amtampon’ny loha
Lavitra ny hanohanana ny ora fisakafohanana
Tapa mofo gasy mba zaka ny eo am-pelatanana
Vaka ny saina, trotraka ny aina
Ny tany maina,
Ny vavaka ao am-po no sakaiza ny taraina
Vitsivitsy ny mpanjifa azo hantenaina
Miezaka mafy hoan’ity sombinaina
Fifaliana isan’andro tsy maninona raha zakaina

Interlude vocal

PAPA
Migaingaina ny hazavana, hotrany afo mandoro
Ny mpokina Iarivo amin’io misavorovoro
Hita hatramin’ny maraina, tsy mitsahatra mitaraina
Ny mason-karena azo zara raha misy alaina
Sahirana i Nenyvao, mibababa hatrany
Ny mpanjifa etsy andaniny miha ambiviny kely ihany
Mikiky ny vatana, ny harerahana mitsiry
Tiany ho voky ny zaza, aleony mizaka ny mangirifiry

CHORUS
Fiainana, hafa nohon’ny hafa
Misy mizaka anaty na tontolo samihafa
Fiainana, hafa nohon’ny hafa
Faniriany, anaty na tontolo samihafa

KOLT
Injay fa re ny anjomara eny am-tampony Faravohitra
Manga be madiva mitakosina amin’ny fara vodilanitra
Manao diha maika Nenyvao, maika hamatsy fifaliana hoan’ny akany, ndry!
Toa adino sahady ny afobe, enina ambinifolo ora androany, ntsoo!
Mahajamba, misafotofoto ny ambany sobika,
Hivimbinana ireo sisa tsy lany, sy izay kely azo tany
Nefa tsinjo sahady ny ampitso fa toraky ny omaly ny androany

CHORUS RAJOBY
Na masikiny io, na manana, tsy misy afa-po ny amin’ny eo am-pelatanana
Mitsikaraka mafy, nandalo fianarana, tsy tafa boaka tena, tsy mahita rirany
Na masikiny io, na manana, tsy misy afa-po ny amin’ny eo am-pelatanana
Mitsikaraka mafy, nandalo fianarana, tsy tafa boaka tena, tsy mahita rirany
--------
Rohy: https://tononkira.serasera.org/hira/fefiloha/nenivao
Hametraka hevitra
Midira aloha
Momba ny hira
Mpihira : Fefiloha
Vangy : 1673
Mpankafy : 0 Ankafizo
Nampiditra : raozigasy
Daty : 21/02/2010 15:04
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2023 - page load 0.0665