Glady (dokotera valy)

Ao taritiko ny lalako hamakivaky ny tsy tazako
Ny tsara be otazako, ny manjary sisa andrasako
Mampihosona ny life, kely fa sahy mitakosona
Ary eo anoloan’ny zava-bitako aho vao tena sahy miankohoka

Mivazizotra ny betroko, ny handriko miketrona
Evoka sa setroka, tsemboka fa tsy sampotra
Sehatra iraisana io fa ny serantsika no samihafa
Misento fa tsy miato, manaiky miady aho na tsy mafy

Mandady aho fa mandroso, raparapa ny lohalika
Rovi-damba aho fa tsy hanaiky ary izay no maha Mason’Aloka
Nifampilako ny hafa fa iaho tsy raha mba taitra
Mety hoe tsy favo fa tsy very satria amiko izay  no raitra

Ety amin’ny solaitraben’ny fiainako aho mampiana-tena
Miteny amin’ny tenako hoe izaho ihany no tehina ianteherako
Reharehako ny maha antoko mpanoratra
Fa ankasitrahako ihany koa ilay iaho parsi tsy misy mpihoraka

Nakambako ny tanako, tantanako ny fanahiko
Efa nolazaiko tamiko ny jiaby ankoatran’izay tsy haiko
Mbay ary fa lalako, anatina mbala tasinà ratra iaho
Ny bala tsy te hahalala fa ny hipala ahy ihany ary zarako

Tsy anindriko bokotra dingan-dava, aloka ny ahy ny tava
Tsy hisalorako maso hafa ary mahasoa ahy iny
Ny ahy dian’ny tsy be teny, izay tonga no omen-tehaka
Tsy fombako ny be tenda

Vao navadiko ny satroko, dia virakiny be ny Hendry
Nanasoketa ahy hoe very , tsy namaly aho aloha fa nietry
Henoko ireo wa lava niharo tondro molotra
Ka atolotro azy am-panajàna androany ny adala indrindra amin’ny fanondroko ary.

[Nampiditra]:
RAKOTONARIVO Sitrakiniaina Tantely
--------