Andriamanitra ô! Tahio (Antsan'ny famonjena FMTA ( Volotara Andoharanofotsy))

1) Andriananahary ô! Nomenao anay ´ty tany soa
´Zay maneho ny hatsaran’ny asanao tsy manam-paharoa
Ka nahoana moa no tsy hanaiky Anao Jehovah Ray
Ho Andriamanitra hiankohofanay
Iorenan’ny finoana, itoeran’ny fanahy
Ny filazantsara izay ahely hamonto sy hamaka
Enga anie ho voa tsara hafafy an-tany lonaka
Dia hizotra amin’ny lala-marina sady sitrakao
´ty Firenenay ry Tompo Masina
Hisandratra ao tokoa re ny voninahitrao.

Réf:
Andriamanitra ô! Tahio e ´ty Nosinay
Andriamanitra ô! Tahio ´Ty Madagasikaranay
Hiposaka aminay ny fahazavanao
Hanenika ny tany ny fahamarinanao
Dia hiadana finaritra ny vahoakanao
Ho sambatra tokoa e!
Ho sambatra izahay.

2) Indrisy anefa Tompo ô! Fa maro ireo mihodina Aminao
Ao ireo manompo Tompo roa
Minia mandrafy Anao
Ampianaro hahay hiova fo
Hibebaka izahay
Hiala amin’ny ratsy izay fanao
Hiverina Aminao, hivavaka Aminao
Ireto Malagasy an’alin-kisa
Ampanekeo ry Ray
Fa ny hery sy ny fahefana Anao mandrakizay
´Reo Mpitondra izay tinendrinao tolory fahendrena
Ho resy lahatra
F’Ianao ilay Mpanjakan’ny voninahitra

Réf x 2

Ho sambatra tokoa e
Ho sambatra izahay
--------