Bemolanga (Mahaleo)

-----
Ny taona ity miherina
Asa izay mba hoentiny
Ahiako mbola hiverina
Toy ny tamin’ny taona lasa ny zavatra raiketiny

Fa ny fanantenana
Efa mihena, mitsilopy
Fa tsy misy fahatsarana
Izay mety ho fiovana efa zary nofinofy

         Ireo voa nafafy
         Taona maro lasa izany
         Ho an’ny zanaka aman-jafy
         Mbola tsy vokatra ihany

         Efa taona firifiry
         No nantenaina hitondra soa
         Ahi-dratsy no naniry
         Ny tany maina avokoa

-----
Mitombo ny fara-mandimby
Ny tany koa miha tery
Ny taona faly mifandimby
Mody marenina, minia tsy mijery

Manahy aho fa tsy hisy hiova
Ny omaly tsy hiova volo
Toy ny fanaka eny an-dRova
Ts’isy nanombinana fa efa zary bobongolo

         Rahoviana no hitranga
         Asa angamba atsy ho atsy
         No ho tonga i Bemolanga
         Dia isika tsy ho lany vatsy

         Rahoviana no hitranga (...) Dia isika tsy ho lany vatsy

MAHALEO
--------