Ramano be Galona (Lolo sy ny tariny)

Ny tanin-dRamano
Dia tany zanatany
Ny tany tamin’izany
Mbola feno zanatany

  Nanainga i Ramano
  Tsy afaka nandà!
  Nirongo basy lava
  Nilanja barida

Ady no naleha
Tsy anaovana kinanga
Nitifitra na maty
Nefa olon-janatany

  Naverina  Ramano
  Tsy maty nefa angano
  Ny vanja izay nipoka a
  Nanjanaka ny Lohany

Galonan-dRamano
Dia misy tena izy
Fa misy mampihomehy
Mampioraka ny ankizy

  Satria kapsily
  Sy fatina bilao
  Mikoritsana eny an-tratrany
  Grady be tsy zakany


Nalevina omaly
Ramano be Galona
Ireo mpananihany
Nanjary nitomany

   Ny tanin-dRamano
   Dia tany zanatany
   Ny tany tamin’izany
   Mbola feno Zanatany
  
--------