Anjara Tandrify (Rija Rasolondraibe)

Mpihira : Rija Rasolondraibe
Mpamaky : 4368
Nampidirin'i : Bitika
Tamin'ny : 19/02/2003 15:12:47
ID : 1465

Toa mbola manonofy foana aho
Raha mahita anao ka mandre ny feo
Toa tsy mety mino mihitsy aho
Hoe tena ianao no eo anilako eo

Misy hery hafahafa avy aminao
Ka mitondra ahy, misarika ahy ho any
Izay manintona ahy hitafa, hiresaka aminao
Mampihetsika, mamohafoha, manaitra ny ao am-po

Maso sendra mifanopy
Tsiky mitsilopilopy
Taratra manify mifanadrify
Miteraka hazavana
Mampiely hafanana
Ireo dia ampy andraisako anao

Miezaka ny hanazava saina aho
Sao hataitairana fotsiny izao
Saingy arakaraky ny ahafantarako anao
Toa mihamahazo laka ny fitadiavana anao
Toy ny hoe

Misy hery hafahafa avy aminao
Ka mitondra ahy, misarika ahy ho any
Izay manintona ahy hitafa, hiresaka aminao
Mampihetsika, mamohafoha, manaitra ny ao am-po

Maso sendra mifanopy
Tsiky mitsilopilopy
Taratra manify mifanadrify
Miteraka hazavana
Mampiely hafanana
Ireo dia ampy andraisako anao