Radio (Iraimbilanja)

Sendra reko anikeo
Tao anatin’ny onjampeo
Lay hiranao
Hira mitalaho
Tsy haiko aloha zay lohateniny
Fa ny tsaroko dia ny feony
Mampatsiahy ahy indray
Izay lasa izay

Somary gaga ihany aho raha nandre
Satria an-taona maro izy izay tsy mba nandeha

Nakariko mafy ny radio
Nanjary nisioka aho nony avy eo
Narahina dihy
Nanembona an-ndry
Variana loatra aho nilalao
Tonga ny ora filazam-baovao
Dia tapaka hatreo
Ilay hira teo

Somary gaga ihany aho raha nandre
Satria an-taona maro izy izay tsy mba nandeha

Fahatsiarovana no mitoetra
Tantara izay vita rehetra
Tehirizin’ny onjampeo
Sanatria tsy hankaleo
Mino aho fa any lavitra any
Misy sento mitomany
Malahelo ao am-po
Mahatsiahy ny taloha

Sendra reko anikeo
Tao anatin’ny onjampeo
Lay hiranao
Hira mitalaho

Somary gaga ihany aho raha nandre
Satria an-taona maro izy izay tsy mba nandeha
--------