Fitia tsy anjara (RR Majunga)

Tsy navela hiara-dia
Nefa, nefa mifankatia
Dia lazaina fa tsy anjara
Na ambara fa voarara
Izahay no nisafidy
Dia ny hafa ve no handidy?
Mionòna, hono, sombinaina
Zany ho avy andrandraina,
Ny tena, ny tenantsika no saraka
Fa ny fo, ny fontsika miaraka
N’iza n’iza handrafy, hankahala
Izaho sy ianao ho malala.

’Ndeha hiaraka àry izao
Tsy ho nofy, tsy lalao
Hanohy ny dina izay natao
Isika, dia izaho sy ianao.
--------