Sipako taloha (Ny Ainga)

1-Tomany aho omaly hariva nahatsiaro anao
  Ianao ilay olo-malalako tsy lasa vadiko
  Nifanenna tampoka isika teo Antaninarenina,
  Ianao ilay nitantana zaza, ilay sombin’aintsika roa:
  Ilany kelin’ny fiainako...

2-Io ilay sombin’ny aina tsy mba nampoizina
  Nisento marary ny anatiko nibanjina azy
  Endrey ’zany maso sy ny orony retsy dia ahy navela
  Ianao ilay nitantana an’azy, fikiriny mafy tokoa
  Io ilay revintsika roa.

    Dia indro tsaroako miverina am-poko ny tantarantsika
    Grandy Vakansin’ny volana Août ’lay tany Toamasina e!
    Lasam-binany aho e,... Dimy taona izany!
    Ianao aza angamba mitsiky mahatsiaro ny fiarahana iny:
    Ny chambre sy ny plazy
    Ny hôtely sy ny soupe chinoise
    Mozika nitositosiana,
    Dia tranofalafa mangina
    Ô! fiainana,
    Fiainana dia sombinaina nipetraka.

       Tsy maty am-poko eny aky ny lasa
       Malala ô! manonjanonja e...
       SIPAKO TALOHA ... Tsy lasa vadiko!

3-Mbola eny ihany ilay tsikinao toa menamenatra
  Ianao koa somary nihena  fa mafy ny fiainana
  Izaho any am-piasana aky tsy mandry, miasa loha,
  Raha misy izay andefimandry, hafenina ve ny taloha?
  Tantara miafina...

    Sendra nadalo ny tranonareo aho omaly hariva
    Dia tazako mazava jiro tokoa ’lay efitra avaratra...
    Lasam-binany aho e... Nanjohy mangina ny diako,
    Ianao angamba efa mandry, mandrotsirotsy ilay zaza
    ’Lay zaza mibada mangina,
    Mangina toa varivariana
    Mipitra mahafatifaty
    Tsy anilan’ny rainy sahady
    O! zanako...
    Zanaka tokan’ny revim-pitiavako...

Mpamorona:(Om-Gui)
  
--------