Havako anie (Barijaona)

Havako anie izy izay eny havako
Ny anarany mantsy dia tsy afaka ambavako
Maro ireo kinta-mamiratra roy o!
F’iny havako iny dia sarotra hafoy

Havako anie izy izay eny mamiko
Na ratsy na tsara dia izy no laniko
Nomeko ny foko nomeko hanjakainy
Ka asany kosa raha ho ravaravainy

Havako anie izy izay izy irery
Raha lavitra azy ny saiko dia very
Ny sariny mantsy voasikotra anaty
Tehiriziko tsara ao am-po mandra-maty o!

Havako anie izy izay eny tiako
Tiako dia tiako fanilon’ny diako
Hokolokoloiko sy ataoko andry maso
Fa be ireo mpisompatra sy mpanao ankaso
--------