Voninavoko (Ny Voninavoko)

(Nalaina tao amin'ny tononkira.serasera.org)
VONINAVOKO

Maro ny roy fa tsy tambo isaina ny vony ao an-tsaha
Ny isany mantsy tsy takatra an-tsaina fa maro mpizaha
Raha toa tanisaina isan-toko izy ireny dia be samihafa
Miavaka anefa ilay Voninavoko izay tiako hitafa

Ao irony lisy madio sy mirentina ireo mpanambady
Na verovenina na violety mijoro toa kiady
Ireo mavokely sy ireo dalia samy manana loko (mana-doko)
Fa tiako loatra ary koa tia ahy ilay voninavoko

Ny beldezoro dia tsy azoko afenina fa tena ambony
Ary manalasala ny fiandry lavenona mody tsy mony
Mpanjakan’ny hazo ireo telomiova fa toa hafa foko (hafa foko)
Tokana kosa ilay tena tsy miova dia voninavoko

Ao irony lisy madio sy mirentina ireo mpanambady
Na verovenina na violety mijoro toa kiady
Ireo mavokely sy ireo dalia samy manana loko (mana-doko)
Fa tiako loatra ary koa tia ahy ilay voninavoko

Ireo voninkazo voalazako teo sy ireo sisa rehetra
Raha maintany dia miova ny vony sy ny hery rehetra
Fa tokana kosa sy mahaleotena na dia valambalana
Ilay voninkazo iray tena kanto eny an-tanimalalaka

Ao irony lisy madio sy mirentina ireo mpanambady
Na verovenina na violety mijoro toa kiady
Ireo mavokely sy ireo dalia samy manana loko (mana-doko)
Fa tiako loatra ary koa tia ahy ilay voninavoko

VONINAVOKO
--------
Rohy:
Hametraka hevitra
Midira aloha
Momba ny hira
Mpihira : Ny Voninavoko
Vangy : 11350
Mpankafy : 1 Ankafizo
Nampiditra : Grity
Daty : 30/10/2001 05:10
Hihaino

Mbola tsy nisy nampiditra hira

Hampiditra
© serasera.org 1999 - 2024 - page load 0.072