Efa tia (Rebika)

                         EFA TIA

Mbola tavela ilay nofiko omaly
Namiravira ilay endrikao faly
Hita sary tao daholo ny ho avy manontolo
Nofiko ny alina,misy latsa-paka lalina
Nofy e,toy ny marina

Miraikitra an-tsaiko any
Ireo teny lasa kalo
Ventesiko avy hatrany raha  mifanena aminao
Ainga tampoka izay
Rediredy mahamay
Hetaheta toa tsy sahy
Sora-tanana tsy nahy
an an an an,aleo hafeniko

Ref: Rahampitso ihany aho dia tsy maintsy hahita anao
      hipitrapitra toy ny zaza ka hiandry anao hilaza
      Inoako fa ny ho resakao na ny tiany hampitaina
      Dia ny tao anatinao hampionona ny saina

Ny vavako  voarara izaho tsy hitantara
Fa nahafaly ilay omaly,ilay fihetsikao voakaly
Nanatona ahy tsy niteny ,toy ireny bedy ireny
Nanganohano te hitroatra
Ny am-ponao any efa nihoatra
Hafa! tsy manam-paharoa

Ref: Rahampitso....


                     REBIKA
--------