Ratra (Rindra)

Aiza intsony moa
Ilay fitiavanao namiratra taloha
Zary foana ireny
Toa nandao ahy tsy an-kiteniteny

Niezaka ihany
Ny hanao izay hahatamana anao hatrany
Kanefa indrisy
Dia nitsahinao toy ny tsy misy

Fa nofenoinao ratra anie ty foko mbola tia
Ilay mba niandrandra mafy ny ho doria
Tsy hiantso tody anao anefa aho sanatria
Zakaiko ny ahy ndeha zory izato dia

Ho sarotra tokoa
Ny hamafa ireo izay vita teo aloha
Saingy izay no anjara
Tsy maintsy halevina ho avalona ho tantara
--------