Solfezy (Mahaleo)

1/ Ory irery, mbola irery,
Toa tononkira tsisy feony;
Miandry ilay, mozika iray,
Nefa toa ela ny fisehony;

Fa fitia tsy nisy mpiventy,
Ka lasa nivezivezy,
Miandry (2x), miandry anao,
Handrakitra azy ho solfezy.

2/ Ianao no redona, hamelona,
Ireo teniko,
Ny eritreritra fanantenako,
sy fitia nafeniko;

Ny any tena faniriako,
Fitia iara-miangaly;
Miandry (2x), miandry anao,
Hahatonga ny fitiavako antsaly;

Solo

3/ Nitady izay feo, mba tiako aho,
nitety sy nifindrafindra;
Nefa fa raha tsy, nivalana ireny,
dia redona tsy mety mirindra;

Ny any feo mifandimby,
Nefa tsisy azoazo,
Miandry (2x), miandry anao,
Hahatonga ny fitiavako vazo;

4/ Ianao no sisa, andrasana,
Dia ho tontosa ny hiran-tsika;
Ny tononkira nosoratako,
Ho ravahanao mozika;

Izao aloha dia mbola irery,
Tononkira mandeha ila;
Miandry (2x), miandry anao,
Handrakitra azy ho kapila.

Dadah & Fafah
--------