Fahatsiarovana (Wa-Zimba)

Na lavitra ny maso, 'tsika dia mifankahita
Fa izaho mbola hanohy ireo fikasanao tsy vita
Tsy mifanatri-tava nefa mifanakaiky fo
?Ianao tsy eto intsony nefa tsy ho adinoko

Tsy manadino zokinao ô, manganohano
Tsy manadino zandrinao ô, fo marary e
Tsy manadino zokinao ô, manganohano
Tsy manadino havanao ô, fa veloma

Na dia lasa ianao efa nihoatra folo taona
Atý an'eritreritro 'tsika dia mihaona foana
Tsy mifanatri-tava nefa mifanakaiky fo
Ianao tsy eto intsony nefa tsy ho adinoko

Tsy manadino zokinao ô, manganohano
Tsy manadino zandrinao ô, fo marary e
Tsy manadino zokinao ô, manganohano
Tsy manadino havanao ô, fa veloma

Rano mikorisa, hira mitanisa
Fahatsiarovana sisa mijanona
Izaho tavela eto ô, ianao lasana any e
Isika kosa angamba ho mpirahalahy hatrany e

Rano mikorisa, hira mitanisa
Fahatsiarovana no mijanona, fahatsiarovana

Tsy manadino zokinao ô , manganohano
Tsy manadino zandrinao ô, fo marary e
Tsy manadino zokinao ô , manganohano
Tsy manadino havanao ô, fa veloma
Veloma ihany e, veloma ny zandriko zany e


Tonony sy feony : Julio Rakotonanahary
--------