Lalatiana (Ny Voninavoko)

(Nalaina tao amin'ny tononkira.serasera.org)
Fa zazavavy iray zanaka tantsaha
Mahafatifaty sady mahavariana
Ny anarany dia gasy fa tsy mba vazaha
Tsy iza akory izany fa i Lalatiana

Fa voa jerena kely dia mitsiky mahasondriana
Fa toa mandefa resaka sy bitsika mangina
Toa volana mazava izato endrikao sariaka
Satria ny tsikinao toa masoandro mibaliako

Oô Oô Oô Oô
Na iza tsy tia na iza hankahala antsika ry Lalatiana
Ny fifankatiavantsika tsy azo ariana
Na eny andalam-be na eny ampivoriana ô
Izay rehetra lalovany dia variana

(adaladala)
Adaladala foana ireo tsy tia
Isika vao maika koa miara-dia
Raha sendra mandalo dia mamangia
Fa ny mihafahafa dia sanatria

Na mitafy lamba, na mitena akanjo
Dia hitako fa tsara ny bika sy ny ranjo
Hatramin’ny famindra, hatramin’ny fijoro
Malefaka tokoa, milanto toa zozoro

Ny olona tsy tia dia mangarika mianjola
Izato ianao kosa toa vao maika miangola
Izay hatoninao dia mahazo fifaliana
Izay hilaozanao dia mahita hakivina

Oô Oô Oô Oô
Na iza tsy tia na iza hankahala antsika ry Lalatiana
Ny fifankatiavantsika tsy azo ariana
Na eny andalam-be na eny ampivoriana ô
Izay rehetra lalovany dia variana

(adaladala)
Adaladala foana ireo tsy tia
Isika vao maika koa miara-dia
Raha sendra mandalo dia mamangia
Fa ny mihafahafa dia sanatria

Raha sendra mandalo dia mamangia
Fa ny mihafahafa dia sanatria
--------
Rohy:
Hevitra
HeriGieres ( 12/03/2019 06:00)
Tsy ampy ny tononkira eo amin'ny fiverenana (ny feo lafika)
Hametraka hevitra
Midira aloha
Momba ny hira
Mpihira : Ny Voninavoko
Vangy : 7746
Mpankafy : 0 Ankafizo
Nampiditra : Grity
Daty : 30/10/2001 05:10
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1197