Mbola tia (Vola sy Noro)

(Nalaina tao amin'ny tononkira.serasera.org)
MBOLA TIA.

Ho aiza intsony moa, tsy hita izay aleha
Maizina ny dia.
Ho aiza intosny moa, maina teo tokoa
Izay niarahana nikolo.
Foana ny eny an-tanana, ny rivotra mifofo
Aiza no iantsampazana, torovana ity nofo
Fa sarotra ny dia, very ny fitia
Dify ilay malala
Mahantra samirery ity fo mamelovelo
Malahelo mbola tia.

Aza kivy na mamoy fo
Hisy hazavana ho anao
Mbola ho avy ny maraina
Hitondra hafaliana ho anao.

Izao tontolo izao, mihira ny fitia
Mihira ho anao
Izao tontolo izao, hiràko ny fitia
Tsy miova anatiko ao
Iza no antsoiko indray, aiza no alehako
Tsy haiko ny hanova izay fitiavana nekeko
Fa sarotra ny dia; very ny fitia
Dify ilay malala
Mahantra samirery ity fo mamelovelo
Malahelo mbola tia.

Fa na aiza na aiza ianao
Angamba mbola handre izao hirako izao
Mahantra samirery ity fo mamelovelo
Tsy miova tia anao.
--------
Rohy:
Hametraka hevitra
Midira aloha
Momba ny hira
Mpihira : Vola sy Noro
Vangy : 5531
Mpankafy : 0 Ankafizo
Nampiditra :
Daty : 18/01/2002 20:29
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0738