MIFONA MIVALO (V.H.F)

(Nalaina tao amin'ny tononkira.serasera.org)
MIFONA MIVALO

O ry raolombelona o matoa isika izao Mbola velona o
Dia tadidio fa misy mpiahy sy misy mpamelona ô
Dia ilay Tompo Andriamanitra
Andriamanitra Andriananahary
Ilay tompon’ny tany tompon’ny lanitra zava-boahary
Anazy avokoa anazy izao tontolo izao o
Ny zava-boahary rehetra na izaho na ianao

Tsisy tompony isika fa natao ho mpihindrana ihany
Fa azy ny lanitra azy ny fiainana azy ny tany
Ity tany ity tsy iainana mandrakizay e
Fa ho fandalovana lalana mankany amin’ny Ray

Mifona aminao mivalo aminao aho
Ry Tompo Andriamanitra ô
Fa ny heloka vita sy ny fahotako tsy ahitako ny lanitra e
Fa ny lanitra tokana ihany fonenana mandrakizay e
Raha voavela ny heloka dia hitoetra eo anilan’ny Ray

Miverena modia o ry ondry nania
Miverena modia aza varimbariana aza be siasia
Ataovy ampy izay ny vita rehetra hatrizay e
Andeha re hibebaka aterina hiverina ambalan’ny Ray

Tsy misy ratsy ny zava-boahary nataon’Andriamanitra o
Fa tsara daholo ny zava-drehetra amin’ny tany aman-danitra
F’Isika olombelona no indraindray toa be siasia
Ka mody tsy maheno ka tonga ary koa nania
-Dia nandika ny didy ary koa nandika lalàna
Fa voarebirebin’ny asa maloto nataon’I satàna
Dia nivarina an-kady nandeha tamin’ny lalana tsy izy e
Dia niosona loto niosona ota
Jereo izato izy e- (2)

Ankehitriny miantso anao zao ny Tompo ô
Manetry tena hanadio aminao izay maloto ô
Ka inona ihany ary no Mbola hisalasalana e
Efa ny Tompo mihintsy no miantso haneho fahagagana
--------
Rohy:
Hametraka hevitra
Midira aloha
Momba ny hira
Mpihira : V.H.F
Vangy : 3434
Mpankafy : 0 Ankafizo
Nampiditra : cmbolatiana
Daty : 12/03/2010 21:06
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0115