You are here: home > Tononkira > Tsiakoraka

NAHANDRO GASY (Tsiakoraka)

Eto no hotelintsika anolorana anao fikafika
Momba ny nahandro gasy
Mandrosoa fa aza mihafihafy
Eto no hotelintsika anolorana anao fikafika
Hataovy ny safidinao amin'izao fahalalahana izao (Refrain)

Indro haroso mialoha
Ody ambava-fo
Ny sakafo tsy azo ariana
Ny foko sy ny fiaviana
Saosy saosy na ekipakipa
Laroana amin'ny akolita
Tsy maninona na tsy milay
Fa ireny no avy any aminay
Ny resaka sy ny kabary
No hatao ho solon'ny vary
Fitombon'ny harin-karena
No hatao solon'ny hena
Mangala demokrasia
Hataovy amin'ny sisin-dovia
Somary tampohy fahantrana
Dia tonga dia hano mafana
Loto mameno ny lalana
Tsolotra eran'y tanana
Ady seza no solon-tsakay
Efa nalona hatrizay
Laingalainga indroan'ny sotro
No hataovy amin'ny rano fisotro
Risoriso efa dimy kilao
No episy na sakamalao
Tandremo ny atononkira.serasera.orgkoho fataka
Maneno mba hahazo laka
Raha ny toky izay efa nomena
Efa nampanan-karena
Anjely tokoa raha miteny
Nefa aza mirona amin'ireny
Be resaka nefa malany
Maimbo mandoto vilany
Ny fiainana miova isan'andro
Manaraka koa ny nahandro
Tafiditra anaty menu filalaovana PMU
Manentohento avokoa seloto machine à sou
Hiadiana amin'ny fiaianana lafo
Loka no tsindrin-tsakafo
Manao ahoana ary izao ny sakafo
Mahalana no misakafo
Ny sasany rehefa mifaly
Tena ratsy sy ompa no kaly
Tsy mihinana koa amin'ny alina
Ndrao bedin'ny Banque mondiale
Matetika loatra ny mihafy
Dia mirona amin'ny nahandro gasy
Ny sakafo tsy azo handeferana
Hitanao ary ity izao ny toerana
Raha mandalo dia mba mandrosoa
Fa tena ho voky tokoa
Ho tolorana nahandro gasy
Mandrosoa fa aza mihafihafy
Ho tolorana nahandro gasy
Mandrosoa fa tsy mialon-jafy

Hametraka hevitra

Midira aloha

Mpihira : Tsiakoraka
Mpamaky : 2310
Mpakafy : 0 Ankafizo
Nampidirin'i : tsantah
Tamin'ny : 22/05/2012 14:35:53
ID : 6095

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Tondrom-peo

Hampiditra tondrompeo