HIAMPITA (TOKO TELO)

(Nalaina tao amin'ny tononkira.serasera.org)
Fa toa tsy ho zakan’ny foko
Ny hibanjina anao
Raha tonga ny ora voatondro
Izay handehananao
Hianika sy hamakivaky
Hitety havoana sy habakabaka
Ny alahelo toa tsy ho tanty
Samia mitrotro am-bavaka

Ny voaloham-pahasambarako
Dia ny ho eo anilanao hatrany
Izany no efa fahazarako
Nefa nanjary tomany, fa...
Hanangona ny andro, volana aho
Ho tonga taona maromaro
Ny hanala izany tsy olana
Rehefa mba ianao no mahatsiaro

Mirary anao hahavita
Fianarana izay atao
Io no hiankinan’ny hoavintsika
Na ny ahy izany na ny anao
Fanantenana aoka ho fihinina
Hitoetra foana ao am-po
Fa na mamirifiry aza akia ny ririnina
Isika tsy hisaran-droa.

Ny voaloham-pahasambarako
Dia ny ho eo anilanao hatrany
Izany no efa fahazarako
Nefa nanjary tomany, fa...
Hanangona ny andro, volana aho
Ho tonga taona maromaro
Ny hanala izany tsy olana
Rehefa mba ianao no mahatsiaro
--------
Rohy:
Hametraka hevitra
Midira aloha
Momba ny hira
Mpihira : TOKO TELO
Vangy : 4150
Mpankafy : 0 Ankafizo
Nampiditra :
Daty : 18/01/2002 12:38
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0114