Nofy (Titi Raha)

Ny alina izy tsy mba matory
Mamolavola nofy mandravaka ny akany
Varavarankeliny avelany hivoha
Sao mba misy namana hamangivangy anazy

Ny maraina izy, mitsiky voninkazo
Lolo sy angidina no eo an-tokotany
Ny alahelony tsy avelany hivoaka
Fa sao misy mahalala ny tsiambaratelony

Aiza ianao ry tiako, nahoana ny fitiavako irery no avelanao
Aiza ianao ry tiako, mangina ny ora raha tsy eo anilanao

Rehefa lohataona ny mahasambatra azy
Manaraka iny renirano iny
Ny eritreriny avelany handeha
Miaraka amin'ny vorona eny ambony eny

Ny alina izy mbola tsy matory
Milalao ny nofiny handravaka ny akany
Varavarankeliny avelany hivoha
Hitondrako azy hitety habakabaka iny

Aiza ianao ry tiako, nahoana ny fitiavako irery no avelanao
Aiza ianao ry tiako, mangina ny ora raha tsy eo anilanao


Tonony : Arison JAHA
Feony : Thierry RAHARISOA sy Milon KAZAR
--------