HAFA IHANY (Antoko Mpihira Taratry ny mazava)

1-Hatrizay ka hatram’izao
Fitiavana tsy kilalao
No nitiavanao ahy
‘Zay mambabo fanahy
Tsy afaka ao am-bavako ao
Indrindra fa ny Anaranao
Ka na inona sedraina
Ny Anaranao deraina e!

Réf: Hafa ihany manana Anao
Mahita fifaliana, lavi-pahoriana e
Fiderana fiainam-baovao
No fiainako izao miaraka Aminao

2-Nitia ahy foana Ianao
Tiaviko ihany koa izao
Ho deraiko lalandava
Ny Anaranao malaza
Fa tsy misy toa Anao
Eto an-tany na any an-danitra
Fa Ianao manjaka izao
Ianao no Andriamanitra

Réf: Hafa ihany manana Anao
Mahita fifaliana, lavi-pahoriana e
Fiderana fiainam-baovao
No fiainako izao miaraka Aminao
--------