MANJARY (Solo)

Tsy laingako Aminao
Fa isan'andro izao
Manjary mihato ny hasin'ny fisainako
Hatrizay nampisy Anao ho isam-piainako

Manjary mihamirana
Ny lanitry ny androko rehetra
Fa ilay fanahiko saiky mijoretra
Vasoky ny sitrany ho tojo ilay mangirana
Indro izao, indro izao
Mihiratry ny tsiky noho Hianao

Manjary tsy mitsahatra
Mamoron-kira foana ny ao anatiko ao
Ary angamba hanjahatra
Ho maina sy hangaina
Raha tsy eo Hianao


Auteur : Haingo ; compositeur : Harinjaka
--------