O ry vintana (Simone RAZAKA)

1. Naleo tokoa niara-dia
Niarak'ory, niara-paly
Naleo tokoa nifankatia
Satry fitia nifamaly
Satriko ny hiombon-tsento
Ho fitia tsy manam-petra
Ka izany no ho ventso
Amin'ny androko rehetra
O ry vintana ô ampio
Ny fitia mba te hiray
Ny omaly sy ny anio
Mbola tsy manampy anay

2. Satriko mba hisafidy
Ny anjarako eto an-tany
Na ho mamy na mangidy
Na ho faly na tomany
Satriko nefa indrisy
Ny nantenaina toa nikoro
Ka ny fo narisarisa
Dia najary torotoro
O ry vintana ô nahoana ?
Anjara ve sa didy ?
Foiny 'ndray tafahoana
Toa tsy afa-misafidy


Simone RAZAKA
--------