Dina (Rija Rasolondraibe)

(Nalaina tao amin'ny tononkira.serasera.org)
Toa semban-drahona indraindray
Ilay dina nifanaovanay
Mila ho kivy ka valaketraka izahay

Ireo fotoana niarahana
Nahatsapanay fahafahana
Toa manjavozavo ka zary tsy tazanay

Toa tsy navela
Voafefy sy voafatotra
Tsy afaka nivelatra
Tsy afaka nikopak’elatra

Nefa ts’isy azo atao
Izaho efa tia anao
Tsy azo averina fa tsy ho tia intsony aho

Nefa tsisy azo atao
Izaho efa tia anao
Efa feno anao ny fiainako hatrizay

Dia ho fahotana ve raha toa
Mifankatia izahay roa
Ka varimbariana eny indraindray

Satria ny hafanana tao am-po
Tafara-dia tena tia tokoa
Ka nanadino ny manodidina anay

Izay toa tsy namela
Namefy sy namatotra
Tsy nahafahanay nivelatra
Tsy nahafahanay nikopak’elatra

Nefa ts’isy azo atao ....
--------
Rohy:
Hametraka hevitra
Midira aloha
Momba ny hira
Mpihira : Rija Rasolondraibe
Vangy : 5791
Mpankafy : 0 Ankafizo
Nampiditra : Lanto
Daty : 03/12/2003 13:30
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0116