Fa iza... (Rija Ramanantoanina)

Mpihira : Rija Ramanantoanina
Mpamaky : 3714
Nampidirin'i : Tsiory
Tamin'ny : 14/01/2002 19:45:14
ID : 481

Nosoloiny olon-kafa hono ianao
Sady koa nokasainy nafoy
Notefeny fiainam-baovao
Ilay fitiavany mba ho matoy
Fa na dia tia aza ianao tsy nohenoiny
Nafoiny mihitsy ary dia nosoloiny

Fa mbola hita sy tsapa ny lasa
Izay niarahana tsy ho voafafa
Ny manadino azy angamba no tsy vita
Ny fo no ampangino tsy hitanisanisa
Tia azy ianao fa tsy nohenoiny
Nafoiny mihitsy ary dia nosoloiny

Fiv: Fa iza moa ianao
     No ndeha hahalala
     Izay ho tiany
     Ka hametra izay safidim-pony hoe tsy maintsy ho tianao
     Fa na dia tia aza ianao
     Ilay hoe tia adala
     Tamin’iny
     No mety ho marina izany f’izao hamafiso ny fonao

Fa mbola hita sy tsapa ny lasa
Izay niarahana tsy ho voafafa
Malahelo ve moa ianao tsy hitomany
Kanefa ny omaly efa lasana any
Tia azy ianao fa tsy nohenoiny
Nafoiny mihitsy ary dia nosoloiny

Jereo ny maraina vaovao
Mbola hisy mamiratra ho anjaranao
Velomy ao am-ponao ny feon’ny fanantenana
Fa hisy masoandro hitondra hafanana
Mbola hisy fanilo hafa indray
Hafa indray...

Fiv: Fa iza moa ianao
     No ndeha hahalala
     Izay ho tiany
     Ka hametra izay safidim-pony hoe tsy maintsy ho tianao
     Fa na dia tia aza ianao
     Ilay hoe tia adala
     Tamin’iny
     No mety ho marina izany f’izao hamafiso ny fonao