AMOROM-PARIHY (Olombelo Ricky)

(Nalaina tao amin'ny tononkira.serasera.org)
Ho avy any izao ka tandremo sao tsy vohainao
Fa ny orana mikija tsy hasakana ahy tsy handeha
Na hanjombona ny andro ny ho tonga tonga foana
Efa masaka ato antasaiko aky
Ny hijery anao hamangy anao
Etsy amorom-parihy


’Zaho tsy maintsy tonga any na ho sasa-kalina aza
Na lavitra ny lalako any tsy hasiako feo tomany
Fa holalaovintsika io hariva manontolo
Tsy asiantsika very aky
Fa omeko anao,omeko anao,Omeko anao
Omeko anao izy manontolo


Fa ny fitiavanao(in-2)
Kanto lotra e(in-2)


N’inona n’inona hitranga any ianao no faniriko
Ilay fitsikinao hafahafa iny mitsy no tena fifaliako
Dia atolotro anao ’zay rehetra mety ho tsiky
Dia ho sambatra aho sambatra aho
Raha omenao omenao ahy ilay tsara ndrindra any aminao

Tsy izaho irery ihany no maniry tahaka izany
Ianao tsy mba milaza anie izay any am-ponao
Fa iny lanitra iny no adiresy iraisantsika
Anoratako ho anao anie raha sendra ka tsy hita
Andefasako amoranako izao hirahira izao ho anao


Fa ny fitiavanao(in-2)
Kanto lotra e
Kanto mihotra e
(Tonony sy Feony:Ny olombelo Ricky)
--------
Rohy:
Hametraka hevitra
Midira aloha
Momba ny hira
Mpihira : Olombelo Ricky
Vangy : 14990
Mpankafy : 0 Ankafizo
Nampiditra : Izy
Daty : 24/04/2003 14:08
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0712