Teto (Rambao)

(Nalaina tao amin'ny tononkira.serasera.org)
Teto izahay no nanao ny fanekena
Vita tamin’ny fo madio fa sanatria tsy nisy noterena
Teto izahay no nanomboka nizara fitiavana
Tsy maty akory ireny fa nipetraka ho tantara
Teto ihany koa no nanaovanay ny voady
Velirano, visavisa ny hoavy fa hiaraka hitady
Teto daholo daholo ny rehetra no nitranga
N’inona hidona na zavatra hihatra
Dia ny hitovy saranga

Folaky ny haizina ve ka hangina
Rahampitso indray aho miandry fitsikina
Ny ho kivy sanatria f’izany ihany ny fiainana ety

Fa teto koa no niaretanay ny mafy
Nisotroanay ny mangidy sy ny mamy
Ary tsy mantsy mihafy
Teto izahay vao niandoha tsy nanana
Fa samy niady mafy mba hisy zava-tsoa am-pelantanana
Mbola eto anefa no hitoeranay hatrany
Mandra-piandry izay lahatra fiantsoana
Ka handaozanay ny tany
Mbola eto koa no hamelomanay indray fitia vaovao
Ary farany aza angamba eto no hilevenanay

Folaky ny haizina ve ka hangina
Rahampitso indray aho miandry fitsikina
Ny ho kivy sanatria f’izany ihany ny fiainana ety
--------
Rohy:
Hevitra
harimanana16 ( 30/11/2016 12:43)
Tsara b io hira io
Hametraka hevitra
Midira aloha
Momba ny hira
Mpihira : Rambao
Vangy : 12016
Mpankafy : 0 Ankafizo
Nampiditra :
Daty : 28/10/2002 15:17
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.073