Kamboty (RABERANTO)

(Nalaina tao amin'ny tononkira.serasera.org)
Ventesinay mora, sy mirindra ny hira
Hanandratanay ireo feo
Feon'ireo zaza kamboty ety
mahita fahoriana sy mijaly

Ny sombinainareo lasa labaonina
any amin'ireo havana, mpanam-bola
Raha mbola velona teo ianareo,
nahazo tambitamby mamy izahay.

Ry ray aman-dreninay, 'zay efa vovoka
Tsy maheno intsony ny antsoantsonay
Tsy maheno intsony ny fitarainanay.

Zanaky ny maty tsy misy hasina intsony
Miaraka matory ny akoho an-dakozia
Ny lamba rakofany rotika ry rovitra
Miondankondana tanana

Nahoana re ry tany 'reo tsy manantsiny
novesaranao enta-tsy zaka?
Efa voaozona ve sa kapoka,
sa ny olona no be setra?

Ry ray aman-dreninay, 'zay efa vovoka
Tsy maheno intsony ny antsoantsonay
Tsy maheno intsony ny fitarainanay
Tsy mahita intsony ny fijalianay.
--------
Rohy:
Hevitra
dahfara ( 11/01/2015 20:18)
Sao mba misy manana an'io hira io na ny album nisy an'io mihitsy? tena tiako be io!!!
Hametraka hevitra
Midira aloha
Momba ny hira
Mpihira : RABERANTO
Vangy : 5207
Mpankafy : 2 Ankafizo
Nampiditra : varavarana
Daty : 15/07/2010 10:57
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0114