Sedra (Poopy)

(Nalaina tao amin'ny tononkira.serasera.org)
Efa ela ihany izay
Ny fotoana niarahana
Nifanaiky izaho sy ianao
Tsy hisy ny fisarahana
Dia nivolana ny ho doria
Nanome toky hifankatia
Ho toy ny lamban’akoho ny fiarahana
Faty no hisarahana

Dia samy novolavolain’ny fiainana teny isika
Dia samy nandalo sedra niharitra ny mafy
Asa raha ny aminao, fa mbola manantena aho
Ho matotra, ho mafy ny fatotra

Taty aoriana indray
Nisy kapoka nahamay
Nisetrasetra ianao
Mba nianjona koa aho
Ka ny tady nihenjana
Ts’isy nety niresaka
Dia navalona teo ilay ho doria
Nolotoina ilay fitia

Dia samy novolavolain’ny fiainana teny isika
Dia samy nandalo sedra nizaka fijaliana
Tsy resy anefa aho, mbola mijoro koa ianao
Samy vonon-kisedra ny ho avy hiseho indray

Tsy resy anefa aho, asa raha mbola hijoro ianao
Samy vonon-kisedra ny ho avy hiseho indray.



Source: http://www.multimania.com/schmilblik/fitia.html
--------
Rohy:
Hametraka hevitra
Midira aloha
Momba ny hira
Mpihira : Poopy
Vangy : 10575
Mpankafy : 0 Ankafizo
Nampiditra : Heriniaina
Daty : 21/10/2001 23:10
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0771