Sambatra (Poopy)

(Nalaina tao amin'ny tononkira.serasera.org)
Sambatra ianao manome izay tsy manana
Sambatra ianao mahafoy ho an’ny tsy manana
Eny sambatra ianao mahay manome avy amin’ny fo madio
Tsy mba ao anatin’ny sainao
Ny hitana soa irery ho anao

Sambatra ianao tsy anisan’ireo tia tena
Sambatra ianao manampy izay mivena
Tena sambatra ianao fa ao aminao ny toetra tsara indrindra
Maniry ho toa anao ny maro aminay
Kanefa tsy tafita
Ref/Izay omenao sy ampianao ho faly
Fa toa mihamaivana ny jaly
Ny endriny miramirana dia ampy hahafaly anao
Fa aminao ny tena fahasambarana
Dia ny manome mizara izay hananana
Vitsy ny toa anao mahay manome am-pitiavana
Sambatra ianao mahay manetry tena
Sambatra ianao hanjakan’ny fandeferana
Tena sambatra ianao fa ao aminao ny toetra tsara indrindra
Maniry ho toa anao ny maro aminay
Kanefa tsy tafita
Izay omenao sy ampianao ho faly
Fa toa mihamaivana ny jaly
Nefa ampianao ny tsiky asetrin’izany
Aminao ny tena fahasambarana
Dia ny manome mizara izay hananana
Ny endriny miramirana no valisoa lehibe indrindra ho anao
Izay omenao sy ampianao faly
Fa toa mihamaivana ny jaly
Eny sambatra ianao mahay manome am-pitiavana!
--------
Rohy:
Hametraka hevitra
Midira aloha
Momba ny hira
Mpihira : Poopy
Vangy : 3818
Mpankafy : 0 Ankafizo
Nampiditra : Mickaela
Daty : 23/12/2002 11:54
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1724