FITIA ADALADALA (Parson Jacques)

Fitia adaladala
Maro mpakahala
Ny fitiavako anao
Nefa izay no heveriko
Sy mba tratry ny heriko
Atolotra anao

Sadasada angamba
Na minia ho jamba
Ny fitazana azy
Saingy lalim-paka
Efa tompon-daka
Fa tsy vazivazy

Fitia adaladala
Maro mpakahala
Ny fitiavako anao
Nefa izay no heveriko
Sy mba tratry ny heriko
Atolotra anao

Lala-nofinidy
Ka na dia mangidy
Laitra sy zakaina
Ny enjika mihatra
Efa mahazatra
Ka tsy iferotan’aina

Fitia adaladala
Maro mpakahala
Ny fitiavako anao
Nefa izay no heveriko
Sy mba tratry ny heriko
Atolotra anao
--------