MODIA (Ny Mpitory)

(Nalaina tao amin'ny tononkira.serasera.org)
Modia, modia,
Ry olona efa simban’ota
Fa ahy ianao
Ka satriko hiverina
Jesosy tia, no miantso anao an-tambitamby
Ianao mpania, lazainy fa malalany

Ilaozy ny haratsiana
Afoizo ny otanao
Ekeo fa Jesosy re no hany tsy mandao
Jesosy no miantoka ny fiainan’izay mandray
Ny famonjena nataony tao Kalvary

Indrisy Tompo
Fa olom-poana nefa dia antsoinao
Nandà ny tsara, tsy tia fahamarinana
Ekeko Tompo, Anao ny fiainako rehetra
Ho ato am-poko ’lay hazo fijaliana

Ilaozako ny haratsiana
Afoiko ny otako
Ekeko fa Jeso no hany tsy mandao
Jesosy no làlana sy fahamarinana
Fiainana azo ianteherana

T/F Dr Andriamiadamahatratra Miharilaza
--------
Rohy:
Hametraka hevitra
Midira aloha
Momba ny hira
Mpihira : Ny Mpitory
Vangy : 3580
Mpankafy : 0 Ankafizo
Nampiditra : rakotorado
Daty : 27/10/2006 13:00
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0725