Nofeheziko (Nono)

Mpihira : Nono
Mpamaky : 978
Nampidirin'i :
Tamin'ny : 27/10/2001 00:10:46
ID : 152

Nofeheziko avokoa ireo enta-kelinao
Fa fanananao,
Ilay fitaratrao tsy adinoko
Fa nataoko tsara fono ao ambany ao...
Ny firavakao tontolo ho aho,
Efa ao am-batanao...omeko anao !
Ento ireo hanaraka anao
Fa zava-tsoa ka mety tsy ho foinao.

Ny teto an-tranontsika moa,
Raha sendra ka tadidinao,
Sorisory lava izao no sady ady
Tsy nety vita moa.
Zara raha mba nisy tsikitsiky
Nifanaovantsika roa,
Fa adalàna sesilany
Mankarary an-doha...

Ilay sarinao koa,
Ilay teo an-doham-pandriana...
Omeko anao
Tsy tiako mantsy ny hijery,
Isan’andro vaky izao,
Ilay tsikinao !
Ny fitiavako adala, efitrano mamanala,
Onenako,
Avelao ireo mba ho ahy,
Ny zava-tsoa ka tsy foiko atakalo !


http://www.geocities.com/TheTropics/Shores/2640/