Fikasana (Liva sy Nirina)

Fantatro tsara ireny fihetsikao ry malala
Nitory fitia tamiko saingy nodiako adala
Nefa ankehitriny ho’aho dia tena tsy haiko intsony
Ny hangina ka tsy hanambara ilay fitiavako anao tsy nitony

Hay ve ianao manam-pitiavana ahy ihany
Taitra sy faly anie ny foko mandre izany
Henika haravona ato anaty tsy hay lazaina
Nisinda toy ny tsy nisy teo ilay sorisory sy adin-tsaina

Manga ny lanitra e fa tsara ny andro androany akia e
Ka namela antsika e hifamboraka ilay fitia
Ry Lala ô miandry isika sisa ilay fotoana paradisa
Ny fontsika tafatambatra e izay vao ho tena sambatra

Toky no omeko anao re rahavako
Fa anao irery manontolo ny fitiavako
Ny fiainako sy ny androko rehetra
Atokako ho anao irery izany, ho anao hatrany tsisy fetra

Mbola tianao ve ny hamerenako eto indray
Ilay fitia nangina tato am-poko hatram’izay
Ny fiainako sy ny androko rehetra
Afoiko anao manontolo e ho anao irery tsisy fetra

Vonona ary isika e na dia hoe izao anio izao
Hiaraka hanorina e ilay fiainam-baovao
Ny antsika FIKASANA iray ny hiara-dia mandrakizay
Ka sanatria dia sanatria fa rehefa tia dia tena tia

Endrey isika taloha raha mba nihaona
Tsy sahy niteny firy fa nifanatsafa foana
Nefa ao am-po te-hitsotra avy hatrany
Ilay fitiavana efa nisy saingy tsy efantsika tamin’izany

Vonona ary isika e na dia hoe izao anio izao
Hiaraka hanorina e ilay fiainam-baovao
Ny antsika FIKASANA iray ny hiara-dia mandrakizay
Ka sanatria dia sanatria fa rehefa tia dia tena tia

Manga ny lanitra e fa tsara ny andro androany akia e
Ka namela antsika e hifamboraka ilay fitia
Ry Lala ô miandry isika sisa ilay fotoana paradisa
Ny fontsika tafatambatra e izay vao ho tena sambatra
--------